Terá lugar os días 8, 9 e 10 de agosto no Campo da Feira. Haberá para deportistas de 13 a 17 anos e outra para maiores de idade. Inscricións ata o 17 de xullo
O Concello de Ordes vén de abrir, ata o 17 de xullo, o prazo de inscrición para participar no I Torneo de Básket 3×3, o cal terá lugar os videiros 8, 9 e 10 de agosto na pista multideporte situada no Campo da Feira.
Aquelas persoas que desexen apuntarse deberán facelo no Departamento de Deportes do Concello. Será imprescindible entregar a ficha de inscrición con todos os datos solicitados, que se poderá obter a través das redes sociais (@concellodeordes e https://www.facebook.com/concellodeordes) e páxina web do Concello (www.ordes.gal).
Haberá dúas categorías, a primeira para xogadores e xogadores de 13 a 17 anos, e outra a partir dos 18 anos. Os equipos deberán estar compostos por cinco membros e será imprescindible que en todo momento se atopen en pista dous empadroados no municipio, ou ben que o estivesen nalgún momento. As bases deste torneo poderán consultarse en breve na páxina web do Concello.
O Concello de Ordes, organizador desta cita, agradece a colaboración de Sportec para a súa posta en marcha.
